ఆదిపురుష్.. గూస్ బంప్స్

ఆదిపురుష్.. గూస్ బంప్స్
రాముడి గెటప్‌లో ప్రభాస్
బర్త్ డే కానుగా ఫ్యాన్స్‌కు ట్రీట్
స్పాట్ వాయిస్, సినిమా డెస్క్: పాన్ ఇండియా స్టార్ ప్రభాస్‌ మంచి కంబ్యాక్‌ కోసం ఎదురు చూస్తున్నాడు. ‘బాహుబలి’ వంటి ఇండస్ట్రీ హిట్‌ తర్వాత ‘సాహో’, ‘రాధేశ్యామ్‌’ వంటి చిత్రాలు బ్యాక్‌ టు బ్యాక్‌ ఫ్లాప్‌లు అవడంతో ప్రభాస్‌ తీవ్రంగా నిరాశ పడ్డాడు. ప్రస్తుతం డార్లింగ్‌ ఆశలన్నీ ఆదిపురుష్ పైనే ఉన్నాయి. ఓం రౌత్‌ దర్శకత్వం వహించిన ఈ చిత్రం రిలీజ్‌కు సిద్ధమైంది. ఈ చిత్రం నుంచి వచ్చిన పోస్టర్‌లు, టీజర్‌ విపరీతమైన అంచనాలు క్రియేట్ చేశాయి. సోమవారం ప్రభాస్‌ బర్త్‌డే సందర్భంగా చిత్రబృందం స్పెషల్‌ పోస్టర్‌ను రిలీజ్‌ చేసింది. ఈ పోస్టర్‌లో ప్రభాస్‌ రాముడి గెటప్‌లో అదిపోయాడు. ఒక చేతిలో బాణం, మరో చేతిలో విల్లును పట్టుకుని వీరుడిలా కనిపిస్తున్నాడు. మైథలాజికల్‌ కాన్సెప్ట్‌తో రామాయణాన్ని బేస్‌ చేసుకుని ఓం రౌత్‌ ఈ చిత్రాన్ని తెరకెక్కించాడు. ఈ చిత్రంలో ప్రభాస్‌కు జోడీగా కృతిసనన్‌ హీరోయిన్‌గా నటించింది. బాలీవుడ్‌ స్టార్‌ సైఫ్‌ అలీఖాన్‌ ప్రతినాయకుడి పాత్రలో నటించాడు. ఈ చిత్రాన్ని టీ సిరీస్‌, రెట్రో ఫైల్స్‌ సంస్థలు సంయుక్తంగా నిర్మించాయి. సంక్రాంతి కానుకగా ఆదిపురుష్‌ చిత్రం ప్రేక్షకుల ముందుకురానుంది.

@Retrophiles1 @Offladipurush pic.twitter.com/9WvRIUb1WK

— UV Creations (@UV_Creations) October 23, 2022