స్పాట్ ఫ్లాష్.. అక్రిడిటేషన్ దరఖాస్తు గడువు పెంపు..

స్పాట్ వాయిస్, హైదరాబాద్: జర్నలిస్టులకు గుడ్ న్యూస్. 2022-24 సంవత్సరానికి తెలంగాణ‌లో జ‌ర్నలిస్టుల‌ అక్రిడిటేషన్ కార్డుల జారీ కోసం సమాచార, పౌర సంబంధాల శాఖ దరఖాస్తులను ఆహ్వానించింది. ఇప్పటికే ఉన్న అక్రిడిటేషన్ కార్డుల‌ చెల్లుబాటు 30.06.2022తో ముగియనుంది. ఈ నేపథ్యంలో అర్హులైన వర్కింగ్ జర్నలిస్టులందరికీ కొత్త అక్రిడిటేషన్ కార్డ్‌లు జారీ చేసేందుకు సమాచార, పౌర సంబంధాల శాఖ నిర్ణయించింది. 25.05.2022 నుంచి 04.06.2022 వరకు డిపార్ట్‌మెంట్ వెబ్‌సైట్ http://ipr.telangana.gov.in ద్వారా అక్రిడిటేషన్ కార్డుల కోసం తమ దరఖాస్తులను సమర్పించాలని చెప్పారు. అయితే దరఖాస్తుకు తక్కువ సమయం ఇవ్వడంతో జర్నలిస్టుల సంఘాల విజ్ఞప్తి మేరకు ఈనెల 10వ తేదీ వరకు గడువు పెంచారు.