కూలీల ఆటోకు యాక్సిడెంట్..
ఆటోలో 24 మంది మహిళలు..!
పలువురికి తీవ్ర గాయాలు, ముగ్గురి పరిస్థితి విషమం
స్పాట్ వాయిస్, కమలాపూర్: హన్మకొండ జిల్లా కమలాపూర్ మండలం గూడూరు గ్రామ శివారులో ఆర్టీసీ బస్సు టాటా ఏస్ వాహనం ఢీకొన్నాయి. ఈ ప్రమాదంలో టాలా ఏస్ వాహనంలో ఉన్న కూలీలకు తీవ్ర గాయాలయ్యాయి. వివరాల్లోకి వెళ్తే.. హనుమకొండ జిల్లా హసన్ పర్తి మండలం చింతగట్టు,మునిపల్లి గ్రామం కాసింపల్లి మహిళలు 24 మంది కూలీ పని కోసం ఉదయం వంగపల్లి గ్రామానికి వచ్చారు. పనులకు ముగించుకొని మధ్యాహ్నం టాటా ఏసీ వాహనంలో వెళ్తుండగా గూడూరు గ్రామ శివారులో హన్మకొండ నుంచి కమలాపూర్ కు వస్తున్న ఆర్టీసీ బస్సు టాటా ఏస్ వాహనం ఢీకొన్నాయి. దీంతో టాటా ఏసీ వాహనంలో ఉన్న మహిళా కూలీలకు తీవ్ర గాయాలు అయ్యాయి. వారిలో ముగ్గురు పరిస్థితి విషమంగా ఉన్నట్లు సమాచారం. ప్రమాద విషయం తెలుసుకున్న సీఐ హరికృష్ణ హుటాహుటిన ఘటన స్థలానికి చేరుకొని గాయపడిన వారిని108లో ఎంజీఎంకు తరలించారు.
Recent Comments