ఒకరికి తీవ్ర గాయాలు
స్పాట్ వాయిస్, నర్సంపేట (ఖానాపురం): టాటా ఏసీ-ద్విచక్ర వాహనం ఢీకొనగా ఒకరికి తీవ్ర గాయాలైన ఘటన మంగళవారం ఖానాపురం మండలంలో జరిగింది. ప్రత్యక్ష సాక్షులు తెలిపిన వివరాల ప్రకారం.. టాటా ఏసీ వాహనం దబ్బర్ పేట నుంచి అశోక్ నగర్ వైపు వెళ్తోంది. ఈ క్రమంలో అశోక్ నగర్ లోని సైనిక్ స్కూల్ దగ్గరకు రాగానే టీ వీ ఎస్ ఎక్సెల్ వాహనంపై ఇద్దరు అశోక్ నగర్ నుంచి దబ్బర్ పేట వైపు వెళ్తున్నారు. ఈ క్రమంలో టాటా ఏసీ వాహనం, టీ వీ ఎస్ ఎక్సెల్ ఎదురెదురుగా ఢీకొనడంతో ద్విచక్ర వాహనంపై ఉన్న రాయిచెట్టి మల్లయ్యకు తీవ్ర గాయాలయ్యాయి. మరో వ్యక్తి స్వల్ప గాయాలతో బయటపడ్డాడు. దీంతో టాటా ఏసీ వాహనం రోడ్డు పక్కన పల్టీ కొట్టగా టాటా ఏసీలో ఉన్న ఇద్దరు వ్యక్తులకు స్వల్ప గాయాలయ్యాయి. గాయాలపాలైన వారిని నర్సంపేట లోని హాస్పిటల్ కు తరలించారు.
Recent Comments