రోడ్డు ప్రమాదంలో రెడ్డి విద్యార్థి సంఘం జిల్లా అధ్యక్షుడి మృతి

రోడ్డు ప్రమాదంలో రెడ్డి విద్యార్థి సంఘం జిల్లా అధ్యక్షుడి మృతి

రంజిత్ రెడ్డి కుటుంబానికి జెడ్పీ చైర్ పర్సన్ గండ్ర జ్యోతి పరామర్శ

స్పాట్ వాయిస్, శాయంపేట :రోడ్డు ప్రమాదంలో శాయంపేట మండలం కొప్పుల గ్రామానికి చెందిన గుజ్జుల రంజిత్ రెడ్డి (20) దుర్మరణం పాలయ్యాడు.. వివరాలిలా ఉన్నాయి.. రెండు రోజుల క్రితం రంజిత్ రెడ్డి వ్యక్తిగత పనిమీద వరంగల్ కి వెళ్లి వస్తున్నాడు..ఈ క్రమంలో పరకాల సాయిబాబా ఆలయ సమీపంలోని మూలమలుపు బ్రిడ్జి వద్ద పడిపోయాడు. తీవ్రంగా గాయపడిన రంజిత్ రెడ్డిని స్థానికులు పరకాలలోని ఓ ఆస్పత్రికి తరలించారు. పరీక్షించిన డాక్టర్లు సీరియస్ గా ఉన్నాడని చెప్పడంతో అక్కడ నుంచి హనుమకొండకి.. తరువాత హైదరాబాద్ కి తరలించారు. అయితే రంజిత్ రెడ్డి ఆరోగ్య పరిస్థితి విషమించి ఈరోజు తెల్లవారుజామున హాస్పటల్ లో చనిపోయాడు. రంజిత్ రెడ్డి ప్రస్తుతం రెడ్డి విద్యార్థి సంఘం జిల్లా అధ్యక్షుడిగా సేవాలందిస్తున్నారు.
విషయం తెలుసుకున్న జడ్పీ చైర్ పర్సన్ గండ్ర జ్యోతి సాయంత్రం కొప్పులకు వెళ్లి మృతదేహానికి పూల మాల వేసి నివాళి అర్పించారు. అంతిమయాత్రలో పాల్గొని వారి కుటుంబ సభ్యులను పరామర్శించి, ప్రగాఢ సానుభూతి తెలిపారు. అలాగే స్థానిక ప్రజాప్రతినిధులు, నాయకులు, గ్రామస్తులు బాధిత కుటుంబాన్ని పరామర్శించి అంతిమ యాత్రలో పాల్గొన్నారు.