ఏసీబీకి చిక్కిన పర్వతగిరి ఎస్సై

రెడ్ హ్యాండెడ్ గా పట్టుబడిన మరో కానిస్టేబుల్
స్టేషన్ బెయిల్ కోసం రూ. 70 వేలు డిమాండ్
విచారణ జరుపుతున్న ఏసీబీ డీఎస్పీ సాంబయ్య బృందం
స్పాట్ వాయిస్, వరంగల్ : వరంగల్ జిల్లా పర్వతగిరి ఎస్సై వెంకన్న తోపాటు కానిస్టేబుల్ సదానందం లంచం తీసుకుంటుండగా ఏసీబీ అధికారులకు రెడ్ హ్యాండెడ్ గా పట్టుబడ్డారు.  వివరాలిలా ఉన్నాయి.  పోలీసుల దాడుల్లో గుడుంబా తయారీకి ఉపయోగించే నలబెల్లం రవాణా చేస్తున్న ఓ వక్తి  పట్టుబడ్డారు. అయితే స్టేషన్ బెయిల్ కోసం అతడి నుంచి ఎస్సై రూ. 70 వేలు డిమాండ్ చేశారు. ఈ విషయమై అదే స్టేషన్ లో డ్రైవర్ గా పనిచేస్తున్న సదానందం అనే కానిస్టేబుల్ ద్వారా మంతనాలు జరిపారు. ఈ క్రమంలో వేరే వ్యక్తికి ఫోన్ పే ద్వారా రూ. 20వేల రూపాయలు ట్రాన్సాక్షన్ జరిగినట్లు ఏసీబీ అధికారులు గుర్తించారు. శుక్రవారం వ్యాపారి డబ్బులు ఇస్తుండగా ఏసీబీ డీఎస్సీ సాంబయ్య బృందం దాడి చేసి ఎస్సై వెంకన్నతోపాటు కానిస్టేబుల్ సదానందంను పట్టుకున్నారు. ఈ విషయమై ఇంకా స్టేషన్ లోనే ఏసీబీ అధికారులు విచారణ జరుపుతున్నారని సమాచారం.