మృతుల కుటుంబాలకు ఆర్థిక సాయం

స్పాట్ వాయిస్ వర్ధన్నపేట: వనమాల కనిపర్తి గ్రామ మృతుల కుటుంబాలకు రూ. పదివేల చొప్పున 70 కుటుంబాలకు సుమారు 7 లక్షల రూపాయలను వర్ధన్నపేట ఎమ్మెల్యే అరూరి రమేష్ ఆదివారం ఐనవోలు మండలం క్యాంపు కార్యాలయంలో అందజేశారు. వనమాల కనిపర్తి గ్రానైట్ అసోసియేషన్ ఆధ్వర్యంలో ఆర్థిక సాయం పంపిణీ చేశారు. ఈ సందర్భంగా ఎమ్మెల్యే మాట్లాడుతూ.. నియోజకవర్గ అభివృద్ధి, ప్రజల కష్టసుఖాల్లో తాను ఎప్పుడు ముందుంటానని, వనమాల కనిపర్తి గ్రామాన్ని అన్ని విధాలుగా ఆదుకుంటామన్నారు. ఈ కార్యక్రమంలో జిల్లాపరిషత్ వైస్ చైర్మన్ గజ్జల శ్రీరాములు, జెడ్పీ కో ఆప్షన్ సభ్యులు ఉస్మాన్ అలీ, వైస్ ఎంపీపీ తంపుల మోహన్, రైతు బంధు సమితి మండల అధ్యక్షులు జయపాల్,నందనం సొసైటీ వైస్ చైర్మన్ చందర్ రావు, తదితరులు పాల్గొన్నారు.