పేకాటరాయుళ్ల అరెస్ట్

రూ.5240 నగదు,3 బైకులు స్వాధీనం
స్పాట్ వాయిస్, గణపురం: మండలంలో పేకాట ఆడుతున్న సమాచారం మేరకు ఎస్సై అభినవ్ ఆధ్వర్యంలో శుక్రవారం పేకాట స్థావరాలపై దాడులు నిర్వహించారు. ఎస్సై కథనం ప్రకారం.. బుద్ధారం గ్రామ శివారులో కొందరు పేకాడుతున్నారని సమాచారం అందడంతో సిబ్బందితో కలిసి ఎస్సై అభినవ్ దాడి చేశారు. ఇందులో ఐదుగురు వ్యక్తులు పట్టుపడ్డారు. పట్టుబడిన వారిలో ప్రభాకర్, సంపత్, రామ్ రెడ్డి, రాకేష్, శంకర్ ఉన్నారు. వారి నుంచి రూ.5240 నగదు, 5 సెల్ ఫోన్లు, 3 ద్విచక్ర వాహనాలు, కార్డులు స్వాధీనం చేసుకున్నారు. కేసు నమోదు చేసినట్లు ఎస్సై అభినవ్ వెల్లడించారు. పేకాట ఆడితే చర్యలు ఉంటాయని హెచ్చరించారు.