పేలిన ఎలక్ట్రికల్ బైక్.. కాలిన ఇల్లు

స్పాట్ వాయిస్, సిద్దిపేట: ఎలక్ట్రిక్ బైక్ పేలి ఇల్లు కాలిపోయింది. ఈ ఘటన సిద్దిపేట జిల్లా దుబ్బాక మండలం పెద్ద చీకోడ్ గ్రామంలో చోటు చేసుకుంది. వివరాల్లోకి వెళ్తే.. గ్రామానికి చెందిన లక్ష్మీ నారాయణ కొద్ది నెలల క్రితం ఎలక్ట్రిక్ బైక్​ను కొనుగోలు చేశారు. మంగళవారం రాత్రి తన ఇంటి ఎదురుగా ఉన్న దుర్గయ్య నివాసం వద్ద బైక్​ను పార్క్ చేశారు. రాత్రి 12 గంటల సమయంలో పెద్ద శబ్దం వచ్చింది. దీంతో లక్ష్మీ నారాయణ బయటకు వచ్చి చూసే సరికి బైక్ పేలి పక్కనే ఉన్న దుర్గయ్య ఇంటికి మంటలు అంటుకున్నాయి. వెంటనే స్థానికులు ఫైర్ స్టేషన్ కు సమాచారం ఇవ్వగా.. వారు వచ్చి మంటలను అదుపు చేశారు. ఈ ఘటనలో దుర్గయ్య ఇల్లు పూర్తిగా దగ్ధమైంది.