గ్రూప్, డీఎస్సీ, గురుకులాల పరీక్షలకు ఉచిత శిక్షణ

స్పాట్ వాయిస్, ఎడ్యుకేషన్: గ్రూప్-2, 3,4, డీఎస్సీ, గురుకులాల ఉద్యోగ ప‌రీక్షల‌కు ప్రిపేర్ అయ్యే అభ్యర్థులకు బీసీ స్టడీ స‌ర్కిల్ ఆధ్వర్యంలో ఉచిత శిక్షణ ఇస్తున్నట్లు రాష్ట్ర బీసీ స్టడీ స‌ర్కిల్స్ డైరెక్టర్ మంగ‌ళ‌వారం ఒక ప్రక‌ట‌న‌లో తెలిపారు. హైద‌రాబాద్‌తోపాటు రాష్ట్రంలోని అన్ని జిల్లాకేంద్రాల్లోని బీసీ స్టడీ స‌ర్కిళ్లలో ఉచిత శిక్షణ ఉంటుంద‌న్నారు. గ్రూప్- 2,3,4 ఉచిత శిక్షణ కోసం ద‌ర‌ఖాస్తు చేసుకునేందుకు అభ్యర్థులు ఎస్సెస్సీ, ఇంట‌ర్‌, డిగ్రీలో ఫ‌స్ట్‌క్లాస్‌లో, డీఎస్సీ, గురుకులాల‌కు ద‌ర‌ఖాస్తు చేసుకునేందుకు 60శాతం మార్కుల‌తో బీఈడీ ఉత్తీర్ణత‌ సాధించి ఉండాల‌ని పేర్కొన్నారు. అభ్యర్థుల‌ త‌ల్లిదండ్రుల వార్షికాదాయం రూ. 5ల‌క్షల లోపు ఉండాల‌ని సూచించారు. ద‌ర‌ఖాస్తుల‌ను హైద‌రాబాద్‌లోని ఉస్మానియా యూనివ‌ర్సిటీ కేంద్రంలోని టీఎస్ బీసీ స్టడీ స‌ర్కిల్‌లో స‌మ‌ర్పించాల‌ని సూచించారు. వివ‌రాల‌కు 040-24071178, 040-27077929లో సంప్రదించాల‌న్నారు.