ఎమ్మెల్యే రఘునందన్‌రావుపై కేసు

ఆ ఫొటోలు, వీడియో బయటపెట్టినందుకే..
స్పాట్ వాయిస్, బ్యూరో: దుబ్బాక ఎమ్మెల్యే రఘునందన్‌రావుపై హైదరాబాద్ అబిడ్స్ పోలీస్ స్టేషన్​లో కేసు నమోదైంది. జూబ్లీహిల్స్‌ లైంగికదాడి కేసులో బాలిక ఫొటోలు, వీడియోలు విడుదల చేశారని న్యాయవాది ఫిర్యాదు మేరకు రఘునందన్‌రావుపై కేసు నమోదైంది. ఐపీసీ 223(a) సెక్షన్ కింద కేసు నమోదు చేసి పోలీసులు దర్యాప్తు చేస్తున్నారు. ఇటీవల రఘునందన్​రావు ప్రెస్​మీట్‌లో జూబ్లీహిల్స్​ ఘటనకు సంబంధించిన ఆధారాలను మీడియా ఎదుట బయటపెట్టారు. తమ వద్ద మరిన్ని ఆధారాలు ఉన్నాయని వాటిని పోలీసులు, న్యాయస్థానానికి అందజేస్తామని తెలిపారు. ఈ క్రమంలోనే బాలిక ఫొటోలు, వీడియోలు విడుదల చేశారు. ఆ ఫొటోల్లో ఉన్నది ఓ ఎమ్మెల్యే కుమారుడని రఘునందన్ రావు ఆరోపించారు. మరోవైపు సాముహిక లైంగికదాడి బాధితురాలికి సంబంధించిన వివరాలను రిలీజ్ చేసిన జర్నలిస్టు సుభాన్​పైన పోలీసులు ఇప్పటికే కేసు నమోదు చేశారు.