మత్స్యకారుడిని మింగిన గణప సముద్రం

చేపల వేటకు వెళ్లిన మత్స్యకారుడు మృతి..
స్పాట్ వాయిస్, గణపురం : చేపల వేటకు వెళ్లిన మత్స్యకారుడు నీటిలో మునిగి మృతి చెందాడు. ఈ విషాద ఘటన గణపురం మండలంలో జరిగింది. వివరాల్లోకి వెళ్తే.. గణపురం మండల కేంద్రానికి చెందిన మాల సారయ్య వృత్తిలో భాగంగా ఆదివారం ఉదయం గణప సముద్రం లోకి చేపలు పట్టేందుకు వెళ్లాడు. ఈ క్రమంలో నీటిలో గల్లంతు అయ్యాడు. విషయం తెలుసుకున్న ఎస్సై అభినవ్ ఘటన స్థలానికి చేరుకుని మృతదేహాన్ని బయటకు తీయించి పోస్టుమార్టం నిమిత్తం తరలించారు. కుటుంబ సభ్యుల ఫిర్యాదు మేరకు కేసు దర్యాప్తు చేస్తున్నారు.