కోటగుళ్లలో వైభవంగా లక్ష బిల్వార్చన
స్పాట్ వాయిస్, గణపురం: కాకతీయ కళాక్షేత్రం కోటగుళ్లలో సోమవతి అమావాస్య పర్వదినాన్ని పురస్కరించుకుని సోమవారం లక్ష బిల్వార్చన పూజలను ఆలయ వేద పండితులు ఘనంగా నిర్వహించారు. ఈ సందర్భంగా ఆలయంలో ప్రత్యేక అభిషేకాలు, పూజలు చేశారు. అనంతరం గోవును ప్రత్యేకంగా అలంకరించి గోపూజ, గణపతి పూజ, పుణ్యాహవచన పూజలు నిర్వహించారు. కోటగుళ్ళ పరిరక్షణ కమిటీ ఆధ్వర్యంలో కాశీ, త్రివేణి సంగమంలోంచి సేకరించిన జలాలతో ఆలయ ప్రధాన అర్చకుడు ముసునూరు నరేష్ పరమశివుడికి అభిషేకం నిర్వహించారు. ఈ సందర్భంగా భక్తులు పెద్ద సంఖ్యలో హాజరై పూజా కార్యక్రమంలో పాల్గొన్నారు. పూజా కార్యక్రమాల అనంతరం భక్తులకు తీర్థ ప్రసాదాలను అందజేశారు.
Recent Comments