గట్టి కల్ లో కార్డెన్ సెర్చ్..

22 వాహనాలు, గుట్కా ప్యాకెట్లు స్వాధీనం
స్పాట్ వాయిస్, వర్ధన్నపేట : రాయపర్తి మండలం గట్టికల్ గ్రామంలో సోమవారం రాత్రి పోలీసులు కార్డెన్ సెర్చ్ నిర్వహించారు. సీఐ సదన్ కుమార్ ఆధ్వర్యంలో తనిఖీలు నిర్వహించి, ఎలాంటి కాగితాలు లేని, నిబంధనలు పాటించని 22 వాహనాలు, రూ.1900 విలువ గల గుట్కా, అంబర్ ప్యాకెట్లను స్వాధీనం చేసుకున్నారు. ఈ సందర్భంగా సీఐ మాట్లాడుతూ వాహనదారులు మద్యం సేవించి వాహనాలను నడిపి, ప్రమాదాలకు గురై తమ కుటుంబాలను రోడ్డునపడేయవద్దని సూచించారు. కార్యక్రమంలో ఎస్సై బండారి రాజు, పోలీసు సిబ్బంది, ప్రజాప్రతినిధులు తదితరులు పాల్గొన్నారు.