ట్రాక్టర్ ప్రమాదంలో.. పెరిగిన మృతుల సంఖ్య

పెళ్లి సామగ్రికి వెళ్తుంటే.. ప్రమాదం..
అక్కడికక్కడే ముగ్గురు.. చికిత్స పొందుతూ ఇద్దరు..
మృతుల్లో ముగ్గురు మహిళలు.. ఇద్దరు పురుషులు.. 
స్పాట్ వాయిస్, నర్సంపేట: వరంగల్ జిల్లాలో విషాదం నెలకొంది. ట్రాక్టర్ బోల్తాపడిన ఘటనలో ఐదుగురు మృతి చెందారు. ఈ ప్రమాదంలో అక్కడికక్కడే ముగ్గురు మృతి చెందగా.. మరో ఇద్దరు చికిత్స పొందుతూ కన్నుమూశారు. ఘటన వివరాలు ఇలా ఉన్నాయి.. పెళ్లి సామగ్రి కొనుగోలు చేసేందుకు పర్శతండా నుంచి నర్సంపేటకు ట్రాక్టర్ లో వెళ్తుండగా.. ఖానాపురం మండలం అశోక్ నగర్ గ్రామ శివారులోని చెరువు కట్టపై డ్రైవర్ సడన్ బ్రేక్ వేయడంతో ట్రాక్టర్ కట్ట కింద పడిపోయింది. ఈ ప్రమాదంలో ముగ్గురు అక్కడికక్కడే మృత్యువాత పడ్డారు. మరో ఇద్దరు గాయపడగా.. వారిని ఆస్పత్రికి తరలించారు. అక్కడ వారు చికిత్స పొందుతూ.. మృతి చెందారు. మృతుల్లో ముగ్గురు మహిళ ఉండగా.. ఇద్దరు పురుషులు ఉన్నారు. జాటోతు గోవింద్ (55), జాటోతు బుచ్చమ్మ(35), గుగులోతు స్వామి(40), గుగులోతు కాంతమ్మ(38), గుగులోతు సీత (30) మృతి చెందారు. పోలీసులు కేసు దర్యాప్తు చేస్తున్నారు.