భూపాలపల్లి జిల్లాలో పేకాటరాయుళ్లు

11 మంది అరెస్ట్..
స్పాట్ వాయిస్, గణపురం: గణపురం మండలంలో 11 మంది పేకాట రాయుళ్లను పోలీసులు పట్టుకున్నారు. చిట్యాల సీఐ పులి వెంకట్ తెలిపిన వివరాల ప్రకారం.. మండల కేంద్రంలోని పెద్దమ్మ కుంట సమీపంలో మంగళవారం రాత్రి పేకాట ఆడుతున్నట్లు సమాచారం వచ్చింది. దీంతో పోలీసులు దాడి చేసి..11మందిని అదుపులోకి తీసుకున్నారు. 9 సెల్ ఫోన్లు, 7 మోటార్ సైకిళ్లు, రూ.30,460 నగదు స్వాధీనం చేసుకున్నారు. పట్టుబడిన వారిలో మండల కేంద్రానికి చెందిన పల్నాటి రాజు, పెండ్యాల తిరుపతి, బొడిగె శివ, ఆరుముళ్ల ప్రభాకర్, ఉడుత దేవేందర్, నూనేగంటి రజనీకాంత్, పోషణ శంకర్, వాంకుడోతు సతీష్, మచ్చిక రక్షిత్, షేక్ ఆరీఫ్, బండి శీను ఉన్నారు. పేకాట స్థావరంపై దాడులు నిర్వహించి 11 మందిని పట్టుకున్న ఎస్సై శ్రీకాంత్ రెడ్డి, పోలీసు సిబ్బందిని సీఐ అభినందించారు.