వరంగల్ జిల్లాలో తీవ్ర విషాదం

ట్రాక్టర్ బోల్తా పడి ముగ్గురు మృతి..
స్పాట్ వాయిస్, నర్సంపేట:  వరంగల్ జిల్లాలో విషాదం నెలకొంది. ట్రాక్టర్ బోల్తాపడి ముగ్గురు మృతి చెందారు. మరో ఇద్దర తీవ్రంగా గాయపడ్డారు. ఖానాపురం మండలం అశోక్ నగర్ గ్రామ శివారులో ఈ ప్రమాదం చోటు చేసుకుంది. స్థానికుల కథనం మేరకు.. అశోక్ నగర్ శివారులోని చెరువు కట్ట మీదుగా వెళ్తున్న ట్రాక్టర్ బోల్తా పడింది. ఈ ప్రమాదంలో ముగ్గురు అక్కడికక్కడే మృత్యువాత పడ్డారు. మృతుల్లో ఇద్దరు మహిళలు ఉన్నట్లు తెలుస్తోంది. మరో ఇద్దరు గాయపడ్డారు. క్షతగాత్రులను వైద్య సహాయం కోసం దవాఖానకు తరలించారు. సమాచారం అందుకున్న పోలీసులు సంఘటన స్థలానికి చేరుకొని కేసు దర్యాప్తు చేస్తున్నారు. పూర్తి వివరాలు తెలియాల్సి ఉంది.