బొగ్గులవాగులో గుర్తుతెలియని మృతదేహం లభ్యం

స్పాట్ వాయిస్, మల్హర్: భూపాలపల్లి జిల్లా మల్హర్ రావు మండలంలోని ఎడ్లపల్లి గ్రామపంచాయతీ పరిధి అటవీ ప్రాంతంలోని బొగ్గుల వాగు ప్రాజెక్ట్ రిజర్వాయర్ వద్ద గురువారం గుర్తుతెలియని మృతదేహం లభ్యమైనట్లు కాటారం సీఐ రంజిత్ రావు తెలిపారు. ముఖం కుళ్లిపోయి గుర్తుపట్టని విధంగా ఉందని చెప్పారు. చనిపోయి 3 నుంచి 7 రోజులు వ్యవధి అవుతుందని, అతడి వయస్సు 40 నుంచి 45 వరకు ఉంటుందని పోలీసులు అంచనా వేస్తున్నారు. మరణించిన వ్యక్తి ఎత్తు 5.6, గుండ్రని ముఖం, పసుపు రంగు హాఫ్ హ్యాండ్ జెడ్ బ్రాండ్ షర్ట్, టైత్‌తో నడుముకు నలుపు రంగు దారం ధరించి ఉన్నాడని చెప్పారు. పోస్ట్ మార్టం నిమిత్తం మృతదేహాన్ని మహాదేవ పూర్ ప్రభుత్వ ఆస్పత్రికి తరలించి కేసు దర్యాప్తు చేస్తున్నారు. ఎవరికైనా వ్యక్తి ఆనవాళ్లు తెలిస్తే కొయ్యూరు, కాటారం పోలీస్ స్టేషన్ల ఫోన్ నంబర్ 9440795181,9440795160కు సమాచారం ఇవ్వాలని కొయ్యూరు ఎస్సై సత్యనారాయణ, కటారం సీఐ రంజిత్ రావు కోరారు.