కారు బోల్తా.. సింగరేణి ఉద్యోగులకు గాయాలు

లక్ష్మా రెడ్డిపల్లి జాతీయ రహదారిపై ఘటన
స్పాట్ వాయిస్, గణపురం : జయశంకర్ భూపాలపల్లి జిల్లాలో బుధవారం జరిగిన రోడ్డు ప్రమాదంలో పలువురు గాయపడ్డారు. స్థానికుల కథనం ప్రకారం వివరాలిలా ఉన్నాయి. భూపాలపల్లి జిల్లా గణపురం మండ‌లం లక్ష్మారెడ్డిపల్లె గ్రామంలోని 353 జాతీయ రహదారిపై తెల్లవారుజామున కారు అదుపుతప్పి బోల్తా ప‌డింది. ఈ ఘ‌ట‌న‌లో ఐదుగురికి గాయాలయ్యాయి. గమనించిన స్థానికులు క్షతగాత్రులను 108 వాహనంలో వరంగల్ ఎంజీఎంకు త‌ర‌లించారు. కాగా, గాయపడిన వారు సింగరేణి ఉద్యోగులని, వారు కారులో కొత్తగూడెం నంచి భూపాలపల్లికి కి వస్తున్నారని, నిద్రమత్తులో ఈ ప్రమాదం జరిగిందని స్థానికులు భావిస్తున్నారు. ఇందుకు సంబంధించిన పూర్తి వివరాలు తెలియాల్సి ఉంది.