ఆర్టీసీ మ్యాంగో స‌ర్వీస్‌

స్పాట్ వాయిస్, హన్మకొండ: తెలంగాణ ఆర్టీసీ సరికొత్త ప్రయోగాలతో లాభార్జన వైపు పరుగులు తీస్తోంది. ఎండీ సజ్జనార్ తీవ్ర నష్టాలతో కొట్టుమిట్టాడుతున్న సంస్థను క్రమంగా ప్రజలకు చేరువ చేస్తూ లాభాల బాట ఎక్కించేందుకు వినూత్న చర్యలు తీసుకుంటున్నారు. నిత్యం కొత్త సర్వీసులు, ట్రిప్పులు, ఆఫ‌ర్లతో ప్రజలకు ఆర్టీసీని మరింత చేరువ చేస్తున్నారు. తాజాగా ఆయన మ‌రో స‌ర్వీసుతో ముందుకు వ‌చ్చారు. మధురమైన మామిడిపండ్లు తోట నుంచి నేరుగా ఇంటి వద్దకే డెలివ‌రీ చేయ‌నున్నట్లు ట్విట‌ర్ వేదిక‌గా తెలిపారు. టీఎస్ఆర్టీసీ కార్గో పార్సిల్ ద్వారా ఈ స‌ర్వీసు ఇవ్వనున్నట్లు పేర్కొన్నారు. చెమటోడ్చి ఆకలిని తీర్చే.. అన్నదాత రైతన్నను ఆదుకోండి అంటూ ట్వీట్‌లో కోరారు. బుకింగ్‌ల కోసం https://www.tsrtcparcel.in/ TSCounter/Account/Products ని సందర్శించండని సూచించారు. లేదా 040-2345003, 040-69440000 నంబర్లలో సంప్రదించాలని కోరారు