7న వరంగల్ కు కేటీఆర్..!

టెక్స్ టైల్ పార్క్ లో కంపెనీ ప్రారంభం..
స్పాట్ వాయిస్, హన్మకొండ: రాష్ట్ర పురపాలక, ఐటీ పరిశ్రమల శాఖ మంత్రి కేటీఆర్ ఈ నెల 7న వరంగల్ జిల్లాలో మరోసారి పర్యటించనున్నారు. వరంగల్ జిల్లాలోని కాకతీయ టెక్స్ టైల్స్ పార్క్ లో ఓ టెక్స్ టైల్స్ కంపెనీని ప్రారంభించి, మరో కంపెనీకి శంకుస్థాపన చేయనున్నట్లు సమాచారం. అనంతరం అక్కడ ఏర్పాటు చేసిన సభలో మంత్రి కేటీఆర్ పాల్గొననున్నారు. అలాగే సాఫ్ట్ పాత్ సాఫ్ట్ వేర్ సంస్థ మొదటి వార్షికోత్సవం సందర్భంగా పీజీ ఆర్ గార్డెన్ లో నిర్వహించే కార్యక్రమంలో కేటీఆర్ ముఖ్య అతిథిగా పాల్గొంటారు. అలాగే హన్మకొండ కిషన్ పురాలోని సంస్థ కార్యాలయాన్ని ప్రారంభించనున్నారు. మంత్రి పాటు రాష్ట్ర ఐటీ, పరిశ్రమ ల శాఖ ప్రిన్సిపాల్ కార్యదర్శి జయేష్ రంజన్ సైతం హాజరుకానున్నారు.