25 మంది పేకాట రాయుళ్ళ అరెస్ట్

25 మంది పేకాట రాయుళ్ళ అరెస్ట్
పాండవుల గుట్ట అడ్డాగా దందా
రూ.1.10 లక్షల స్వాధీనం..
7కార్లు, బైక్ సీజ్
స్పాట్ వాయిస్, రేగొండ: రేగొండ మండలంలోని పాండవుల గుట్టను కొంతమంది పేకాటకు అడ్డగా చేసుకున్నారు. గుట్టు చప్పుడు కాకుండ లక్షల రూపాయలు బెట్టింగ్ పెడుతూ.. దర్జాగా పేకాట ఆడుతున్నారు. ఆదివారం కొంతమంది పాండవుల గుట్ట వద్ పేకాటాడుతున్నట్లు పోలీసులకు సమాచారం అందింది. ఈ మేరకు భూపాలపల్లి ఎస్పీ సురేందర్ రెడ్డి ఆదేశాలతో.. టాస్క్ ఫోర్స్ సీఐ వాసుదేవరావు, ఎస్సై లు రామకృష్ణ, శ్రావణ్,ఏ ఎస్సై అమరేందర్ రెడ్డి తమ సిబ్బంది తో దాడి చేశారు. వరంగల్ కు చెందిన ఒక నిర్వాహకుడు మంచిర్యాల, మందమర్రి, చెన్నూర్, రామకృష్ణ పూర్, పెద్దపల్లి, గోదావరి ఖని, భూపాలపల్లి, చిట్యాల ప్రాంతానికి చెందిన పలువురు పేకాట ఆడుతున్న ట్లు గుర్తించారు. 25 మందిని అదుపులోకి తీసుకున్నారు. రూ.1.10 లక్షలు , 24 సెల్ ఫోన్లు, 7 కార్లు, టాటా మ్యాజిక్ ఆటో, బైక్ స్వాధీనం చేసుకున్నారు. మండలంలో ఇంతపెద్ద మొత్తంలో పేకాట ముఠా పట్టుబడడం కలకలం రేపింది. ఈ దాడుల్లో హెడ్ కానిస్టేబుళ్లు సదానందం , రమేష్, కానిస్టేబుళ్లు శ్రీనాథ్, ప్రవీణ్, తదితరులు పాల్గొన్నారు.