కార్మికుల సంక్షేమం ప్రభుత్వ లక్ష్యం

మంత్రి ఎర్రబెల్లి దయాకర్ రావు
స్పాట్ వాయిస్, వర్ధన్నపేట: కార్మిక, కర్షకుల సంక్షేమమే టీఆర్ఎస్ ప్రభుత్వం లక్ష్యమని మంత్రి ఎర్రబెల్లి దయాకర్ రావు అన్నారు. జనగామ జిల్లా దేవరుప్పులలో యువ చైతన్య యూత్ ఆటో యూనియన్, కామారెడ్డి గూడెంలో హమాలీ సంఘం, పాలకుర్తి లో సీఐటీయూ ఆధ్వర్యంలో మేడే జెండాలు మంత్రి ఆవిష్కరించారు ఈ సందర్భంగా ఆయన మాట్లాడుతూ.. కార్మికులు, కర్షకుల సంక్షేమమే లక్ష్యంగా సీఎం కేసీఆర్ నాయకత్వంలోని ప్రభుత్వం పని చేస్తోందన్నారు. కార్మికశాఖలోని కార్యకలాపాలను పూర్తిగా ఆన్‌లైన్‌ చేసిందని, దీని ద్వారా కార్మికులకు ఎక్కడి నుంచైనా ప్రభుత్వ సహకారం పొందే అవకాశం లభిస్తున్నదని చెప్పారు.