పెళ్లిళ్లకు ఆర్టీసీ ఆఫర్

పెళ్లిళ్లకు ఆర్టీసీ ఆఫర్

20% శాతం తగ్గింపు

నర్సంపేట డీఎం కె.బాబునాయక్

స్పాట్ వాయిస్ నర్సంపేట: వివాహాది శుభ కార్యక్రమాలకు అద్దె ప్రాతిపదికన ఆర్టీసీ బస్సులను ముందస్తు బుక్ చేసుకున్న వారికి ఆర్టీసీ బంపర్ ఆఫర్ ప్రకటించింది. నెల రోజుల ముందు ప్రత్యేక ఆర్టీసీ బస్సులను బుక్ చేసుకున్న వారికి ఎటువంటి డిపాజిట్, ప్రత్యేక ఛార్జీలు లేకుండా ఏకంగా 20% శాతం రాయితీ ఇస్తున్నట్లు నర్సంపేట డిపో మేనేజర్ కె.బాబునాయక్ ఆదివారం ఒక ప్రకటనలో తెలిపారు. గతంలో వివాహాది శుభకార్యాలకు, విహార యాత్రలకు ముందస్తు ఆర్టీసీ బస్సులను బుక్ చేసుకుంటే డిపాజిట్ ఉండేదన్నారు. సంస్థకు ఎండీ సజ్జనార్ రాకతో ప్రజల శ్రేయస్సు దృష్ట్యా ప్రస్తుతం పెళ్లిళ్లకు బస్ లను బుక్ చేసుకుంటే ఎటువంటి డిపాజిట్ లేకుండా 15% శాతం రాయితీ ఇస్తున్నామని, అంతే కాకుండా నెల రోజుల ముందు బస్సులను బుక్ చేసుకుంటే భారీగా 20% శాతం ఛార్జీని తగ్గిస్తామని ఆయన తెలిపారు. పూర్తి సమాచారానికి 7382856112, 9959226052 ఫోన్ నెంబర్లలో సంప్రదించాలని డీఎం బాబునాయక్ తెలిపారు.