కారు బోల్తా… గుట్టురట్టు

స్పాట్ వాయిస్, భద్రాచలం: ప్రమాదవశాత్తు కారు బోల్తా పడగా.. అందులో సాగుతున్న గట్టు రట్టయింది. ఈ ఘటన భద్రాద్రి కొత్తగూడెం జిల్లా సారపాకలోని భద్రాచలం వంతెన సమీపంలో జరిగింది. వివరాల్లోకి వెళ్తే.. సారపాకలోని భద్రాచలం వంతెన సమీపంలో గంజాయిని తరలిస్తున్న కారు అదుతప్పి బోల్తాపడింది. దీంతో కారులోని గంజాయి బయటపడింది. గమనించిన స్థానికులు పోలీసులకు సమాచారం అందించారు. దీంతో పోలీసులు వచ్చేలోపే కారు డ్రైవర్‌, అందులో ఉన్న వ్యక్తులు అక్కడి నుంచి పరారయ్యారు. గంజాయిని స్వాధీనం చేసుకున్న పోలీసులు.. కారును సీజ్‌ చేశారు. ఈ ఘటనపై కేసు దర్యాప్తు చేస్తున్నారు. గంజాయిని ఎక్కడి నుంచి ఎక్కడి తీసుకెళ్తున్నారనే విషయం పై ఆరా తీస్తున్నారు.