నర్సంపేటలో గంజాయి పట్టివేత

స్పాట్ వాయిస్, నర్సంపేట: నర్సంపేట పట్టణంలో పోలీసులు భారీగా గంజాయి పట్టుకున్నారు. సోమవారం ఉదయం సుమారు రూ.3 లక్షల విలువ చేసే గంజాయిని పోలీసులు స్వాధీనం చేసుకున్నారు. పోలీసులు తెలిపిన వివరాల ప్రకారం.. భద్రాచలం నుంచి ఇద్దరు వ్యక్తులు నాలుగు సంచులలో గంజాయిని తీసుకొని నర్సంపేట పట్టణానికి చేరుకున్నారు. అనుమానం వచ్చిన పోలీసులు ఎస్సై రవీందర్ ఆధ్వర్యంలో తనిఖీ చేయగా గంజాయి ఉన్నట్లు గుర్తించారు. వారి నుంచి 39 కేజీల గంజాయిని స్వాధీనం చేసుకున్నారు. దీనివిలువ సుమారు రూ.3 లక్షల వరకు ఉంటుందని పోలీసులు తెలిపారు.