ఆగి ఉన్నలారీని ఢీ కొన్న ఆటో ట్రాలీ
అక్కడికక్కడే ఇద్దరు మృతి
మృతుల్లో ఒకరు పర్వతగిరి మండలం చౌటపల్లి వాసి
మరొకరు వరంగల్ కు చెందిన వ్యక్తి
సంఘటనా స్థలాన్ని సందర్శించిన మంత్రి ఎర్రబెల్లి దయాకర్ రావు
దగ్గరుండి సహాయక చర్యలు…
స్పాట్ వాయిస్, క్రైం: హైదరాబాద్ వరంగల్ ప్రధాన రహదారిపై బీబీ నగర్ టోల్ గేట్ మధ్య శనివారం తెల్లవారుజామున రోడ్డు ప్రమాదం జరిగింది. ఆగి ఉన్న లారీని ట్రాలీ ఢీ కొనడంతో డ్రైవర్ సహా డ్రైవర్ పక్క సీట్ లో ఉన్న మరో వ్యక్తి అక్కడికక్కడే మృతి చెందారు. పర్వతగిరి మండలం తోటపల్లి కి చెందిన అనిల్ అనే వ్యక్తి ట్రాలీ డ్రైవర్ కాగా, మరొకరు వరంగల్ కు చెందిన ఖలీల్ గా గుర్తించారు. వీరు గుడిమల్కాపూర్ కు చెందిన రాజేందర్ రెడ్డి అనే పూల వ్యాపారి దగ్గర పూలు తీసుకొని వరంగల్ కు వస్తుండగా.. ఈ ప్రమాదం జరిగింది. ఈ ఘటనలో ట్రాలీ ముందుభాగం నుజ్జునుజ్జయింది. దీంతో డ్రైవర్ సహా డ్రైవర్ పక్కన కూర్చున్న వ్యక్తి అందులోనే చిక్కుకొని మృతి చెందారు.
మంత్రి దయన్న సాయం..
జనగామ జిల్లా పాలకుర్తి నియోజకవర్గంలోని పలు కార్యక్రమాలకు హాజరయ్యేందుకు అదే దారిలో వస్తున్న మంత్రి ఎర్రబెల్లి దయాకర్ రావు ప్రమాదాన్ని చూసి ఆగారు. వెంటనే పోలీసులను పిలిపించి అక్కడే నిలబడి సహాయక చర్యలు చేపట్టారు. జరిగిన ఘటన పై ఆరా తీశారు. వాహనంలో చిక్కుకున్న డెడ్ బాడీ లను బయటకు తీసే ప్రయత్నం చేశారు. మృతులకు సంబంధించిన వారితో మాట్లాడి మంత్రి విచారం వ్యక్తం చేశారు. అతివేగం, నిద్రలేమి, అజాగ్రత్త, ట్రాఫిక్ రూల్స్ పాటించపోవడం వంటి అనేకానేక కారణాల వల్ల రోడ్డు ప్రమాదాలు జరుగుతున్నాయని ప్రజలు ఈ అంశాల పట్ల జాగ్రత్త వహించాలని మంత్రి సూచించారు.
Recent Comments