మంత్రి కేటీఆర్ కు ఘన స్వాగతం పలకాలె..
ఎమ్మెల్యే నన్నపునేని నరేందర్
స్పాట్ వాయిస్, వరంగల్: మంత్రి కేటీఆర్ కు ఘన స్వాగతం పలకడానికి ప్రతీ కార్యకర్త సిద్ధంగా ఉండాలని ఎమ్మెల్యే నన్నపునేని నరేందర్ పిలుపునిచ్చారు. సోమవారం రాత్రి వరంగల్ లోని రాజశ్రీ గార్డెన్ లో వరంగల్ తూర్పు టీఆర్ఎస్ పార్టీ ముఖ్య నాయకులు,కార్యకర్తలతో విస్తృత స్థాయి సమావేశం నిర్వహించారు. ముందుగా గుండెపోటుతో మృతి చెందిన టీఆర్ఎస్ నాయకుడు ఎలగందుల సుధాకర్ కు మౌనం పాటించి నివాళి అర్పించారు. అనంతరం ఎమ్మెల్యే నరేందర్ మాట్లాడుతూ.. ఈ నెల 20 న మంత్రి కేటీఆర్ వరంగల్ జిల్లా పర్యటనను విజయవంతం చేయాలన్నారు. ప్రజాప్రతినిధులు, కార్యకర్తలు, నాయకులు సమష్టిగా పనిచేసి కార్యక్రమాన్ని విజయవంతం చేయాలన్నారు. ఈ కార్యక్రమంలో డిప్యూటీ మేయర్, కార్పొరేటర్లు, మార్కెట్ కమిటీ చైర్మన్, ముఖ్య నాయకులు,కార్యకర్తలు పాల్గొన్నారు.
Recent Comments