తండ్రి జ్ఞాపకార్థం.. ఆలయ పున:నిర్మాణం

తండ్రి జ్ఞాపకార్థం.. ఆలయ పున:నిర్మాణం
స్పాట్ వాయిస్ హన్మకొండ రూరల్: సంగెం మండలంలోని తిమ్మాపురం సర్పంచ్ గన్ను శారద-సంపత్ కుటుంబ సభ్యుల ఆధ్వర్యంలో పోచమ్మ దేవాలయ పునర్నిర్మాణ పనులకు భూమి పూజ చేసి ఘనంగా ప్రారంభించారు. అనంతరం సర్పంచ్ గన్ను శారదా-సంపత్ మాట్లాడుతూ.. తమ తండ్రి గన్ను సాంబయ్య జ్ఞాపకంగా ఆలయాన్ని పుననిర్మిస్తున్నామని అన్నారు. ఈ కార్యక్రమానికి ముఖ్య అతిథిగా ఎంపీపీ కందగట్ల కళావతి, వైస్ ఎంపీపీ బుక్క మల్లయ్య, మాజీ సర్పంచ్ మాదినేని రాంరెడ్డి, కుటుంబ సభ్యులు ప్రముఖ వైద్యులు గన్ను విజయ్ హరికుమార్ హాజరై సర్పంచ్ తో కలిసి భూమి పూజ చేశారు. ఈ కార్యక్రమంలో గ్రామంలోని అన్ని కుల సంఘాల పెద్దలు యువకులు గ్రామ పంచాయితీ వార్డు సభ్యులు, తదితరులు పాల్గొన్నారు.