కార్గో లో కల్యాణ తలంబ్రాలు

స్పాట్ వాయిస్, నర్సంపేట : టీఎస్ ఆర్టీసీ కార్గో సర్వీస్‌లో భద్రాద్రి సీతారాముల కళ్యాణ తలంబ్రాలు ఆర్టీసీ నర్సంపేట డిపో ద్వారా పంపిణీ చేశారు. భద్రాద్రి సీతారామ చంద్రస్వామి కల్యాణ మహోత్సవ తలంబ్రాలు నర్సంపేట ఆర్టీసీ డిపో (కార్గో) ద్వారా అందిస్తామని అధికారులు గతంలో ప్రచారం చేశారు. ఈ క్రమంలో పలువురు కార్గో సర్వీస్ ద్వారా తలంబ్రాలు బుక్ చేసుకున్నారు. ఇందులో భాగంగా నర్సంపేట నియోజకవర్గ కాంగ్రెస్ పార్టీ కన్వీనర్ తక్కళ్ళపెల్లి రవీందర్ రావు స్వగృహానికి డిపో మేనేజర్ ఆదేశాల మేరకు కార్గో నర్సంపేట డిపో ఇన్ చార్జ్ నరేందర్ వెళ్లి తలంబ్రాలను అందజేశారు. ఈసందర్భంగా నియోజకవర్గ కన్వీనర్ మాజీ ఎంపీపీ తక్కళ్ళపెల్లి రవీందర్ రావు మాట్లాడుతూ.. సీతారామ చంద్రస్వామి కల్యాణ మహోత్సవ తలంబ్రాలను ఆర్టీసీ కార్గో ద్వారా 392 మంది బుక్ చేసుకోగా గురువారం సాయంత్రం స్వామి వారి తలంబ్రాలు అందజేశారు. ఈకార్యక్రమంలో నర్సంపేట పట్టణ కాంగ్రెస్ అధ్యక్షుడు పెండెం రామానంద్, ఓబీసీ జిల్లా అధ్యక్షులు ఓర్సు తిరుపతి, కౌన్సిలర్లు ఎలకంటి విజయ్ కుమార్, బత్తిని రాజేందర్, జిల్లా నాయకులు ములుకల సాంబయ్య, నియోజకవర్గ యువజన కాంగ్రెస్ ప్రధాన కార్యదర్శి తుమ్మలపెల్లి సందీప్, నాయకులు గొర్రె నవీన్, పరిటాల నాగేశ్వరరావు, పొడుపుగంటి మధుసూదన్ రావు, జన్ను మురళీ తదితరులు పాల్గొన్నారు.