ట్విట్టర్ వేదికగా ప్రకటించిన ఎండీ సజ్జనార్
స్పాట్ వాయిస్, హైదరాబాద్: టీఎస్ ఆర్టీసీ ఎండీగా సజ్జనార్ బాధ్యతలు చేపట్టినప్పటి నుంచి విప్లవాత్మక మార్పులు తీసుకొస్తున్నారు. ఆర్టీసీని లాభాల్లోకి తీసుకొచ్చేందుకు శతవిధాల ప్రయత్నం చేస్తున్నారు. ఇందులో భాగంగా ఆర్టీసీ ప్రజల్లో భారీగా ప్రమోట్ చేస్తున్నారు. ప్రతీ అంశాన్ని సంస్థకు అనువుగా మలుచుకుంటూ ముందుకు వెళ్తున్నారు. ఈ నేపథ్యంలో ప్రయాణికులకు ఉగాది ఆఫర్‌ ప్రకటించారు. ఏప్రిల్‌ 2న రాష్ట్ర వ్యాప్తంగా 65 ఏళ్లకు పైబడిన సీనియర్‌ సిటిజనులకు బస్సుల్లో ఉచిత ప్రయాణం కల్పిస్తున్నట్లు సజ్జనార్ ట్విటర్‌ వేదికగా ప్రకటించారు. కేవలం ఏప్రిల్‌ రెండో తేదీ ఉగాది పండుగ సందర్భంగా మాత్రమే ఈ అవకాశాన్ని కల్పిస్తున్నట్లు తెలియజేశారు. బస్సుల్లో ప్రయాణించేటపుడు తమ దగ్గర ఉన్న గుర్తింపు కార్డును (65 ఏళ్లు దాటినట్లు) కండక్టర్‌కు చూపించి ఈ ఆఫర్‌ను వినియోగించుకోవచ్చన్నారు.
Recent Comments