ఎండల ఎఫెక్ట్.. ఉదయం 11.30 వరకే బడులు

ఎండల ఎఫెక్ట్.. ఉదయం 11.30 వరకే బడుల
స్పాట్ వాయిస్, హన్మకొండ: భానుడి భగభగ మండిపోతున్నాడు. 10 గంటల లోపే నిప్పులుకక్కుతున్నాడు. దీంతో ప్రభుత్వం అప్రమత్తం అయింది. బుధవారం పలు జిల్లాల్లో పగటి ఉష్ణోగ్రతలు 40 డిగ్రీలు పైన నమోదు అయ్యాయి. ఈ క్రమంలో రాష్ట్ర విద్యాశాఖ అలర్ట్ అయింది. పాఠశాల విద్యాశాఖ బడివేళలు కుదించాలని నిర్ణయించింది. రేపటి నుంచి ఉదయం 11.30గంటల వరకే తరగతులు నిర్వహించాలని ఆదేశించింది. ఈ నేపథ్యంలో ఉదయం 8గంటల నుంచి 11.30గంటల వరకు పాఠశాలలు పనిచేయనున్నాయి. వచ్చే నెల 6వ తేదీ వరకు ఈ ఆదేశాలు అమలులో ఉంటాయని పేర్కొంది.