మానవత్వం పరిమళించే…
స్పాట్ వాయిస్, భూపాలపల్లి టౌన్: మానవత్వం పరిమళించింది. మూగజీవం ప్రసవ వేదన పడుతుంటే.. రెండు మంచి మనసు లు స్పందించాయి. నాలుగు చేతులు ముందుకొచ్చి మూగజీవం ప్రాణాన్నే కాదు..దాని బిడ్డ ప్రాణాన్ని నిలిపాయి. ఈ ఘటన భూపాలపల్లి పట్టణంలో చోటు చేసుకుంది. ఎస్సై అభినవ్ తెలిపిన వివరాల ప్రకారం.. జయశంకర్ భూపాలపల్లి జిల్లా… భూపాలపల్లి మున్సిపాలిటీ పరిధిలోని కారల్ మార్క్స్ కాలనీలో ఆవు ప్రసవం కోసం నరకయాతన పడుతోంది. ఈ విషయాన్ని గమనించిన హిమబిందు డయల్ 100కు ఫోన్ చేసింది. పోలీసులు ప్రసవం పోసారు. సమాచారం అందుకున్న ఎస్సై అభినవ్ సిబ్బంది పశుసంవర్ధక శాఖ గోపాలమిత్ర కు సమాచారం అందించారు. వెంటనే ఘటన స్థలానికి చేరుకొని దగ్గరుండి ప్రసవం చేయించారు. సుమారు గంట పాటు శ్రమించారు. మూగ జీవి పడుతున్న వార్తపై తక్షణమే స్పందించిన పోలీసుల తీరు.. యువతి సమయస్ఫూర్తికి ప్రశంసలు వెల్లువెత్తుతున్నాయి.
Recent Comments