ఇంటర్ ప్రాక్టికల్స్ ఎప్పుడంటే..?

ఆన్ లైన్ లో హాల్ టికెట్లు
స్పాట్ వాయిస్, ఎడ్యుకేషన్: ఇంటర్ ప్రాక్టికల్ పరీక్షలు ఈ నెల 23 నుంచి ఏప్రిల్‌ 9వ తేదీ వరకు నిర్వహించారు. ఈమేరకు ఆదివారం నుంచి హాల్ టికెట్లను ఆన్ లైన్ లో అందుబాటులో ఉంచనున్నట్లు ఇంటర్ బోర్డు పేర్కొంది. అయితే ఈ పరీక్షలకు 15 నిమిషాల వరకు ఆలస్యమైనా విద్యార్థులను అనుమతించవచ్చని ఆదేశాలు జారీ చేసింది. పరీక్షలు ఉదయం 9 నుంచి 12 గంటల వరకు, మధ్యాహ్నం 2 నుంచి 5 గంటల వరకు ప్రయోగ పరీక్షలు జరుపుతారు. ఒక కళాశాలలోని విద్యార్థుల్లో 25 శాతం మంది కంటే 30కి 30 మార్కులు వచ్చిన వారి, 27-30 మార్కులు వచ్చిన వారి జవాబుపత్రాలను తాము మరోసారి పునఃపరిశీలన చేస్తామని స్పష్టం చేశారు. జాగ్రఫీ విద్యార్థులకు ఈనెల 31 నుంచి ఏప్రిల్‌ 9 వరకు ప్రయోగ పరీక్షలు నిర్వహించనున్నారు.