పగబట్టిన పాము.. !

పగబట్టిన పాము.. !
ఒక్కసారి కాదు.. 3సార్లు కాటు వేసింది..
రెండుసార్లు బతికింది.. చివరికి…
స్పాట్ వాయిస్, ఆదిలాబాద్: ఆమెపై పాము పగబట్టింది. అవును నిజం.. యువతిని ఒక్కసారికాదు.. మూడు సార్లు కాటు వేసింది. రెండుసార్లు ప్రాణాలు దక్కినా.. మూడోసారి మృత్యుఒడిలో చేరింది. ఈ విషాద ఘటన వివరాలు ఇలా ఉన్నాయి. ఆదిలాబాద్‌ జిల్లా బేల మండలం బెదోడ గ్రామానికి చెందిన రైతు భలేరావు సుభాష్‌ కూతురు ప్రణాళి (18) ఆదిలాబాద్‌లోని ఓ ప్రైవేటు కళాశాలలో డిగ్రీ చదువుతోంది. గతేడాది సెప్టెంబర్‌లో ఇంట్లో నిద్రిస్తుండగా పాము చేతిపై కాటేసింది. తల్లిదండ్రులు లక్షల రూపాయలు ఖర్చు చేసి బతికించుకున్నారు. రెండోసారి ఈ ఏడాది జనవరిలో ఇంటి ముందు కూర్చొని ఉండగా మళ్లీ పాము కరిచింది. వెంటనే చికిత్స చేయించగా.. కోలుకుంది. వరుస ఘటనలతో తల్లిదండ్రులు అప్రమత్తమై.. కంటికి రెప్పలా కాపాడుకుంటున్నారు. హోలీ పండుగ రోజు తన బ్యాగ్ లో ఉన్న రంగులను తీస్తుండగా.. అందులో ఉన్న పాము కాటు వేసింది. కుటుంబ సభ్యులు ఆమెను హుటాహుటిన ఆస్పత్రికి తీసుకెళ్తుండగా.. చికిత్స పొందుతూ కన్నుమూసింది. రెండుసార్లు పౌర్ణమి రోజున, ఒకసారి అమావాస్య రోజున పాము కాటేసిందంటూ కుటుంబీకులు, బంధువులు కన్నీటిపర్యంతమయ్యారు.