స్పాట్ వాయిస్, భూపాలపల్లి టౌన్ : భూపాలపల్లి మండలంలోని గొల్లబుద్దారం, నందిగామ గ్రామాలలో శనివారం టీఆర్ఎస్ పార్టి రాష్ట్ర యువజన నాయకుడు, ఎమ్మెల్యే గండ్ర దంపతుల తనయుడు గండ్ర గౌతమ్ రెడ్డి పర్యటించారు. గొల్లబుద్దారం గ్రామంలో నూతనంగా నిర్మించనున్న శివాలయం, రామాలయం స్లాబ్ నిర్మాణ పనులను కొబ్బరికాయ కొట్టి ప్రారంభిం చారు. ఈ సందర్భంగా గౌతమ్ రెడ్డిని శాలువాతో సన్మానించారు. అనంతరం గౌతమ్ రెడ్డి నందిగామ గ్రామంలోని శివాలయాన్ని సందర్శించి అర్చకుల ఆధ్వర్యంలో ప్రత్యేక పూజలు నిర్వహించారు. ఆ స్వామి వారి ఆశీస్సులు తీసుకొని తీర్ధ ప్రసాదాలు స్వీకరించారు. ఈ కార్యక్రమంలో సర్పంచ్ పక్కల మాధవి మల్లయ్య, ఎంపీటీసీ బొడ్డు సమ్మయ్య, రాంపూర్ గ్రామ సర్పంచ్ తాటి వెంకన్న, ఆలయ కమిటీ సభ్యులు, గండ్ర యువసేన జిల్లా నాయకులు కాసర్ల దేవేందర్ రెడ్డి, పాలకుర్తి రఘుపతి గౌడ్, యూత్ నాయకులు సలేంద్ర రమణ తదితరులు పాల్గొన్నారు.
Recent Comments