యాక్షన్ మూవీ స్థాయిలో ఛేజింగ్ చేసిన పోలీసులు
స్పాట్ వాయిస్, బ్యూరో: హైదరాబాద్-విజయవాడ జాతీయ రహదారిపై పోలీసులు యాక్షన్ మూవీ స్థాయిలో ఛేజింగ్ చేసి ఓ దొంగను పట్టుకున్నారు. హయత్నగర్‌లో 108 వాహనాన్ని చోరీ చేసి, విజయవాడ వైపు పారియేందుకు ప్రయత్నించాడు. దొంగ.. అంబులెన్స్ సైరన్‌తో అతి వేగంతో దూసుకెళ్తూ పోలీసులను ముప్పు తిప్పలు పెట్టాడు. చిట్యాల వద్ద దొంగను పట్టుకునేందుకు యత్నించిన జాన్‌రెడ్డి అనే వ్యక్తిని అంబులెన్స్‌తో ఢీకొట్టాడు. దీంతో అతని పరిస్థితి విషమంగా ఉండటంతో చికిత్స నిమిత్తం హైదరాబాద్‌లోని ఓ ప్రైవేట్ ఆస్పత్రికి తరలించారు. దొంగ కేతేపల్లి మండలం కోర్లపహాడ్ టోల్‌గేట్ వద్ద గేట్‌ను ఢీకొట్టాడు. ఈ క్రమంలో సూర్యాపేట మండలం టేకుమట్ల వద్ద రోడ్డుకు లారీలను అడ్డంగా పెట్టిన పోలీసులు, ఎట్టకేలకు దొంగను పట్టుకున్నారు. పట్టుబడిన నిందితుడు గతంలో పలు చోరీలు చేసినట్టు పోలీసులు గుర్తించారు.
Recent Comments