తల్లడిల్లిన గ్రేటర్..

గంటపాటు కుండపోత..
ఉప్పొంగిన నాలాలు..రోడ్లన్నీ జలమయం..
వరదల్లో చిక్కుకున్న ఎమ్మెల్యే ఇల్లు..!
స్పాట్ వాయిస్, హన్మకొండ: హన్మకొండ నగరం తల్లడల్లింది. సుమారు గంట పాటు ఏకధాటిగా కుండపోత వర్షం పడడంతో రోడ్లన్నీ జలమయం అయ్యాయి. నాలాలు పొంగిపోర్లాయి. లోతట్టు ప్రాంతాల్లోని ఇండ్లల్లోకి నీరు చేరింది. ఎన్జీవోస్ కాలనీలో రోడ్డులోని పరకాల ఎమ్మెల్యే రేవూరి ప్రకాశ్ రెడ్డి ఇల్లు వరదల్లోకి చిక్కుకుంది. ఆ కాలనీలోని ఇందిరా నగర్ నుంచి తిరుమల బార్, పోచమ్మ గుడి ఏరియాలు వాగును తలపించాయి. స్కూళ్లు, ఆఫీసుల ముంగిపు సమయం కావడంతో జనం రోడ్లపైకి వచ్చి తీవ్ర ఇబ్బందులు పడ్డారు.