సీసీ కెమెరాల ఏర్పాటు అభినందనీయం
సీఐ నరేష్ కుమార్
స్పాట్ వాయిస్, భూపాలపల్లి టౌన్ : సీసీ కెమెరాల ఏర్పాటు అభినందనీయమని భూపాలపల్లి సీఐ నరేష్ కుమార్ అన్నారు. భూపాలపల్లి మున్సిపాలిటీ పరిధిలోని స్థానిక 17వ వార్డు సుభాష్ కాలనీలో కాలనీవాసుల ఆధ్వర్యంలో ఏర్పాటు చేసుకున్న సీసీ కెమెరాలను బుధవారం సీఐ నరేష్ కుమార్ ముఖ్య అతిధిగా పాల్గొని వార్డు కౌన్సిలర్ ముంజంపల్లి మురళీధర్ తో కలిసి ప్రారంభించారు. ఈ సందర్భంగా సీఐ మాట్లాడుతూ సీసీ కెమెరాల వల్ల నేరాలు అదుపు చేయవచ్చని, ఒక్క సీసీ కెమెరా 100 మంది పోలీసులతో సమానమని అన్నారు. పోలీసుల సూచన మేరకు స్పందించి సీసీ కెమెరాలు ఏర్పాటు చేసుకోవడం పట్ల హర్షం వ్యక్తం చేస్తూ ఈ సందర్భముగా సీఐ కాలనీవాసులను అభినందించారు. అనంతరం కాలనీవాసుల ఆధ్వర్యంలో సీఐని మర్యాదపూర్వకముగా శాలువాతో సత్కరించారు. అనంతరం సీఐ మొక్కలు నాటారు. ఈ కార్యక్రమంలో హెడ్ కానిస్టేబుల్ శ్రీనివాస్, కాలనీ పెద్దలు తదితరులు పాల్గొన్నారు.
Recent Comments