అమ్మాయి కోసమేనని అనుమానం..?
పోలీసుల అదుపులో నిందితుడు..!
ఆస్పత్రిలో చికిత్స పొందుతున్న బాధితుడు..
స్పాట్ వాయిస్, వర్ధన్నపేట: వరంగల్ జిల్లా వర్ధన్నపేటలో యువకుడిపై కత్తులతో దాడి కలకలం రేపింది. ఈ ఘటన వర్ధన్నపేట పట్టణంలోని భారతీయ థియేటర్ (SVS సినిమాస్)లో చోటు చేసుకుంది. వివరాల్లోకి వెళ్తే.. మహబూబాబాద్ జిల్లా తొర్రూరు మండలం అమ్మాపురం గ్రామానికి చెందిన కళ్లెం విజయ్ (20), ఇల్లెందకు చెందిన గుర్రం రాజ్ కుమార్ శుక్రవారం ఈవినింగ్ షో చూడానికి భారతీయ థియేటర్ కు వచ్చారు. ఈ క్రమంలో ఇల్లంద గ్రామానికి వ్యక్తి వీరిపై కత్తితో దాడి చేశాడు. ఈక్రమంలో విజయ్ కి తీవ్ర గాయాలు కాగా.. రాజ్ కుమార్ కు స్వల్ప గాయాలయ్యాయి. దీంతో వారిని స్థానిక ప్రభుత్వ ఆస్పత్రికి తరలించారు. మెరుగైన చికిత్స కోసం వరంగల్ ఎంజీఎంకు తరలించారు. ఈ ఘటనకు ప్రేమ విషయం కారణంగా తెలుస్తోంది. ఏసీపీ అంబటి నర్సయ్య, సీఐ సూర్యప్రకాశ్, ఎస్సైలు ప్రవీణ్, రాజు ఘటన స్థలానికి వెళ్లి పరిశీలించారు. దాడి వివరాలను తెలుసుకున్నారు. ఇదిలా ఉంటే నిందితుడిని అదుపులోకి తీసుకున్నట్లు సమాచారం. దీంతోపాటు థియేటర్ ను ప్రస్తుతం తమ స్వాధీనంలోకి తీసుకున్నారు.
Recent Comments