నిరుద్యోగులు అలర్ట్..

డీఎస్సీ ఎగ్జామ్ డేట్ ప్రకటన..
స్పాట్ వాయిస్, ఎడ్యుకేషన్: డీఎస్సీ ఎగ్జామ్ డేట్స్ ను విద్యాశాఖ ప్రకటించింది. జూలై 17 నుంచి 31 వరకు పరీక్షలు నిర్వహించనున్నట్లు వెల్లడించింది. డీఎస్సీ కోసం ఈ నెల 4 నుంచి దరఖాస్తులు స్వీకరణ ప్రారంభించింది. ఏప్రిల్ 3 వరకు దరఖాస్తులకు అవకాశం కల్పించింది. అయితే, గడువును జూన్‌ 20 వరకు పొడిగించాలని ప్రభుత్వం నిర్ణయించింది. డీఎస్సీ పరీక్షలను ఆన్‌లైన్ విధానంలో జూలై 17 నుంచి 31 వరకు నిర్వహించనున్నట్లు విద్యాశాఖ పేర్కొంది. మరో వైపు విద్యాశాఖ టెట్‌ నోటిఫికేషన్‌ సైతం విడుదల చేసింది. ఈ మే 20 నుంచి జూన్‌ 3వ తేదీ వరకు టెట్‌ నిర్వహించనున్నది. ఈ నెల 27 నుంచి ఆన్‌లైన్‌లో టెట్‌ దరఖాస్తులు స్వీకరించనున్నారు. ఏప్రిల్‌ 10 వరకు దరఖాస్తునకు గడువు ఇచ్చింది.