కొత్త ఎమ్మెల్సీల ప్రమాణ స్వీకారానికి హైకోర్టు బ్రేక్
తదుపరి ఉత్తర్వులు వచ్చే వరకూ ఎలాంటివి చేపట్టొద్దని ఆదేశాలు
రాజకీయ వర్గాల్లో చర్చనీయాంశం..
స్పాట్ వాయిస్, హైదరాబాద్ : గవర్నర్ కోటాలో ఎన్నికలైన ఎమ్మెల్సీలు కోదండరాం, అమీరుల్లా ఖాన్‌ ప్రమాణ స్వీకారానికి హైకోర్టులో బ్రేక్ పడింది. తదుపరి ఉత్తర్వులు ఇచ్చేవరకు ప్రమాణ స్వీకారం చేయించవద్దని హైకోర్టు ఆదేశించింది. ఇందుకు సంబంధించిన వివరాలిలా ఉన్నాయి. తెలంగాణలో గవర్నర్ కోటా ఎమ్మెల్సీలుగా ఇటీవల కోదండరాం; అమీరుల్లాఖాన్ ఎన్నికకాగా, ప్రభుత్వం కూడా వారు ఎన్నిక విషయమై ఉత్తర్వులు జారీ చేసింది. అయితే గవర్నర్ నిర్ణయాన్ని సవాల్ చేస్తూ దాసోజు శ్రావణ్‌, సత్యనారాయణ హైకోర్టులో ఫిటిషన్ వేశారు. ఈ కేసు విచారణలో ఉండగానే ఇటీవల కాంగ్రెస్ ప్రభుత్వం గవర్నర్ కోటా ఎమ్మెల్సీలుగా కోదండరాం, అమీరుల్లాఖాన్‌ను ఎమ్మెల్సీలుగా ప్రతిపాధించగా గవర్నర్ తమిళిసై కూడా ఆమోదించారు. ఈ క్రమంలో నూతన ఎమ్మెల్సీగా ఎన్నికైన కోదండరాం, అమీరుల్లాఖాన్ సోమవారం ప్రమాణ స్వీకారం చేసేందుకు శాసనమండలి కార్యాలయానికి వెళ్లారు. అయితే మండలి చైర్మన్ గుత్తా సుఖేందర్ అనారోగ్య కారణాలతో అందుబాటులో లేరు. అయితే ఈ నెల 30 తేదీ ఉదయం ప్రమాణం చేసేందుకు వీలు కల్పించాలని మండలి కార్యదర్శికి లిఖిత పూర్వకంగా కోరారు. ఈ నెల 31న కొత్తగా ఎంపికైన నలుగురు ఎమ్మెల్సీల ప్రమాణ స్వీకారం పెట్టుకుంటామని సుఖేందర్ పేర్కొన్నారు .అయితే ఈ లోగా విచారణ అనంతరం హైకోర్టు ఎమ్మెల్సీలు కోదండరాం, అమీరుల్లా ఖాన్‌ ప్రమాణ స్వీకారాన్ని 14 రోజులు నిలిపేవేయడంతో రాజకీయంగా చర్చనీయాంశమైంది..
Recent Comments