పోగొట్టుకున్న మొబైల్ అప్పగింత

బాధితుడికి అందజేసిన పోలీసులు
స్పాట్ వాయిస్, మహదేవపూర్ : జయశంకర్ భూపాలపల్లి జిల్లా మహదేవపూర్ మండలం కాళేశ్వరం గ్రామానికి చెందిన కోల మహేష్ నాలుగు రోజుల క్రితం కాళేశ్వరంలోని ప్రయాణ ప్రాంగణ ప్రాంతంలో మొబైల్ ఫోన్ ను పోగొట్టుకున్నాడు. ఈ మేరకు బాధితుడు కాళేశ్వరం పోలీసు స్టేషన్ లో ఫిర్యాదు చేసాడు. దీంతో కాళేశ్వరం పోలీసులు సీఈఐఆర్ పోర్టల్ ద్వారా ఐఎంఈఐ నెంబర్ ను బ్లాక్ చేసి మొబైల్ ఫోన్ మంచిర్యాలలో ఉన్నట్లు గుర్తించి, దానిని రికవరీ చేసి ఆదివారం బాధితుడికి అందజేశారు. ఈ సందర్భంగా కాళేశ్వరం ఎస్సై లక్ష్మణ్ రావు, కానిస్టేబుల్ రమేష్, పోలీసులకు బాధితుకు మహేష్ కృతజ్ఞతలు తెలిపారు.