కేటీపీపీలో ప్రమాదం

కేటీపీపీలో ప్రమాదం..

ఒకరు మృతి

బొగ్గు అన్లోడ్ చేస్తుండగా ఘటన

స్పాట్ వాయిస్, గణపురం: జయశంకర్ భూపాలపల్లి జిల్లా గణపురం మండలంలోని చెల్పూర్ గ్రామంలోని  కాకతీయ థర్మల్ పవర్ ప్రాజెక్ట్ లో ప్రమాదం చోటు చేసుకుంది. వివరాల్లోకి వెళ్తే భూపాలపల్లి ఫకీర్ గడ్డకు చెందిన బుర్ర కొంరయ్య(38)అనే లారీ డ్రైవర్ భూపాలపల్లి సింగరేణి గని నుంచి బొగ్గును లారీలో కేటీపీపీ తీసుకు వచ్చాడు. ఈ క్రమంలో బొగ్గును అన్లోడ్ చేస్తున్న సమయంలో మరో లారీ బొగ్గు అన్లోడ్ చేసేందుకు పక్కనే నిలిపి ఉంది. కొంరయ్య తన లారీలోని బొగ్గు అన్లోడ్ చేస్తూ పక్కన ఉన్న లారీ వెనికాల నిలబడ్డాడు. కాగా, అదే సమయంలో పక్కన ఉన్న లారీలోని డ్రైవర్ బొగ్గును అన్లోడ్ చేసేందుకు ఒక్కసారిగా టిప్పర్ ను పైకి లేపడంతో బొగ్గు లారీ వెనుకాల నిలుచున్న కొంరయ్యపై పడడంతో అక్కడికక్కడే మృతి చెందాడు. ప్రమాద విషయం తెలుసుకున్న స్థానిక ఎస్సై  మచ్చ సాంబమూర్తి తన సిబ్బందితో కలిసి ఘటనా స్థలానికి చేరుకొని విచారణ జరుపుతున్నారు. మృతుడికి భార్య, ఇద్దరు కుమార్తెలు ఉన్నారు.