అరూరి రమేష్ తోనే అభివృద్ధి

అరూరి రమేష్ తోనే అభివృద్ధి..

సర్పంచ్ పిడుగు రజిత యాదవ్

– జోరుగా ఇంటింటి ప్రచారం

స్పాట్ వాయిస్ హన్మకొండ రూరల్: రాబోయే ఎన్నికల్లో వర్ధన్నపేట నియోజకవర్గ బీఆర్ ఎస్ ఎమ్మెల్యే ల్యే అభ్యర్థి అరూరి రమేష్ గెలుపు నియోజకవర్గ అభివృద్ధికి మలుపు అని సర్పంచ్ పిడుగు రజిత యాదవ్ అన్నారు.సోమవారం ఐనవోలు మండలంలోని పెరుమాండ్ల గూడెం గ్రామంలో గ్రామ సర్పంచ్ పిడుగు రజిత యాదవ్, బీఆర్ ఎస్ గ్రామ ఇంచార్జ్ లు ఐనవోలు ఆలయ చైర్మన్ మజ్జిగ జయపాల్, సోషల్ మీడియా ఇంచార్జీ అరుణ్ కుమార్, గ్రామ నాయకులు, కార్యకర్తలతో కలిసి సమావేశం నిర్వహించారు. అనంతరం ఇంటింటి ప్రచారం నిర్వహించారు. ఈ సందర్భంగా ఇంటింటికి తిరుగుతూ.. తెలంగాణ రాష్ట్రంలో బీఆర్ఎస్ ప్రభుత్వం అమలు చేస్తున్న సంక్షేమ పథకాలను ప్రజలకు వివరించారు. రాబోయే సార్వత్రిక ఎన్నికల్లో కారు గుర్తుకు ఓటువేసి వర్ధన్నపేట నియోజకవర్గ అభివృద్ధి కోసం అహర్నిశలు కృషి చేస్తున్న ప్రజా నాయకుడు ఆరూరి రమేష్ అన్నను భారీ మెజారిటీతో గెలిపించాలని ప్రజలను కోరారు. ఈ కార్యక్రమంలో గ్రామ పార్టీ అధ్యక్షులు పాపారావు, మండల ఎస్సి సెల్ అధ్యక్షుడు దుప్పెల్లి కొమురయ్య, బూత్ ఇంచార్జీ కావటి స్వామి, వార్డు సబ్యులు,నాయకులు, కార్యకర్తలు, తదితరులు పాల్గొన్నారు.