నల్లబెల్లిలో నకిలీ ఏసీబీ ఆఫీసర్

అరెస్ట్ చేసిన పోలీసులు
స్పాట్ వాయిస్, నల్లబెల్లి: నకిలీ ఏసీబీ అధికారిని నల్లబెల్లి పోలీసులు సోమవారం అరెస్ట్ చేశారు. ఈ మేరకు ఈస్ట్ జోన్ డీసీపీ రవీందర్ వివరాలు వెల్లడించారు. కరీంనగర్ జిల్లా వీణవంక మండలం కనపర్తి గ్రామానికి చెందిన పత్తి శ్రీనివాస్ రెడ్డి నకిలీ ఏసీబీగా అవతారమెత్తాడు. నల్లబెల్లి మండల ల్యాండ్ సర్వేయర్ మీరాల మల్లయ్యను బెదిరించి డబ్బులు వసూలు చేసేందుకు యత్నించాడు. దీంతో బాధితుడు పోలీసులను ఆశ్రయించగా.. నకిలీ ఏసీబీ అధికారిని అరెస్ట్ చేశారు. కాగా 2011 నుంచి పలు పోలీస్ స్టేషన్ లో శ్రీనివాస్ రెడ్డి పై కేసులు ఉన్నట్లు ఈస్ట్ జోన్ డీసీపీ రవీందర్ తెలిపారు.