భూపాలపల్లిలో ఉద్రిక్తత..

భూపాలపల్లిలో ఉద్రిక్తత..

వాహనాలపై దూసుకెళ్లిన లారీ

స్పాట్ వాయిస్, భూపాలపల్లి : జయశంకర్ భూపాలపల్లి జిల్లా కేంద్రంలో ఉద్రిక్త వాతావరణం నెలకొంది. వివరాల్లోకి వెళ్లితే జిల్లా కేంద్రంలోని ఉడిపి హోటల్ ముందు పార్కింగ్ చేసిన పలు ద్విచక్ర వాహనాలు, కార్లపై లారీ దూసుకెళ్లింది. ఈ క్రమంలో ద్విచక్ర వాహనాన్ని పార్కింగ్ చేస్తున్న వ్యక్తిని ఢీకొనగా లారీ ముందు భాగంలో ఇరుక్కుపోయి గాయాలయ్యాయి. హుటాహుటిన పోలీసులు చేరుకొని క్రేన్ సహాయంతో అతన్ని బయటకు తీశారు. అతని రెండు కాళ్లకు పూర్తిగా గాయాలయ్యాయి. వెంటనే చికిత్స నిమిత్తం హన్మకొండకు తరలించారు. డ్రైవర్ పరారీలో ఉన్నట్లు సమాచారం. పూర్తి వివరాలు తెలియాల్సి ఉంది.