అకాల వర్షాలతో మత్స్యకారులకు భారీ నష్టం

స్పాట్ వాయిస్ నర్సంపేట,(ఖానాపురం): మండలంలోని బుధరావుపేట గ్రామంలో అకాల వర్షాల కారణంగా మత్స్యకారులకు భారీ నష్టం వాటిల్లింది. రెండు రోజులుగా కురుస్తున్న వర్షాలకు గ్రామంలోని చెరువుల్లో భారీగా వరద చేరింది.ఈ క్రమంలో చెరువు పరిసర ప్రాంతాలలో కట్టిన వలలు కొట్టుకుపోయాయి. దీంతో రెండేళ్లుగా చెరువులో పెంచుతున్న చేపలు వెళ్లిపోయాయని మత్స్యకారులకు అవేదన వ్యక్తం చేశారు. సుమారు 8 లక్షల వరకు నష్టం వాటిల్లినట్టు వారు తెలిపారు. చేపలు పట్టడమే జీవనాధారంగా బతుకుతున్నామని, తమను ప్రభుత్వం, మత్స్యశాఖ అధికారులు ఆదుకోవాలని వారు కోరారు.