నర్సంపేట-కొత్తగూడ మధ్య నిలిచిన రాకపోకలు

స్పాట్ వాయిస్ నర్సంపేట (ఖానాపురం): ఖానాపూర్ మండలంలోని పాకాల చెరువు గురువారం నుంచి మత్తడి పడుతుంది. దీంతో అశోక్ నగర్ గ్రామం వద్ద ఉన్న లో లెవెల్ వంతెన పైనుంచి వర్షపు నీరు ఉధృతంగా ప్రవహిస్తోంది.నర్సంపేట-కొత్తగూడ మండలాలకు మధ్య రాకపోకలు నిలిచిపోయాయి. ఈ ప్రాంతం గుండా రాకపోకలు సాగించే ప్రజలు అప్రమత్తంగా ఉండి ప్రత్యామ్నాయ మార్గాలను చూసుకోవాలని ఖానాపురం ఎస్సై పిట్టల తిరుపతి కోరారు. ఈ రహదారి గుండా రాకపోకలు నిలిచిపోవడంతో ఖానాపూర్ మండలంలోని పెద్దమ్మ గడ్డ మీదుగా అశోక్ నగర్ క్రాస్ రోడ్డు వరకు వెళ్లే రహదారి మధ్యలో ఉన్న కల్వర్టు వద్ద రహదారి సక్రమంగా లేకపోవడంతో స్థానిక ఎస్సై తిరుపతి రోడ్డును చదును చేయించారు.