ఉత్తర తెలంగాణకు రెడ్ అలర్ట్..

ఇంకా రెండు రోజులు భారీ వర్షాలు
స్పాట్ వాయిస్, ఓరుగల్లు: తెలంగాణలో రెండు రోజుల పాటు అతిభారీ వర్షాలు కురవనున్నాయి. నైరుతి రుతుపవనాల నేపథ్యంతో వాతావరణ శాఖ ఉత్తర తెలంగాణకు రెడ్‌ అలర్ట్‌ జారీ చేసింది. అలాగే దక్షిణ తెలంగాణకు వాతావరణ శాఖ ఆరెంజ్ అలర్ట్‌ జారీ చేసింది. 21 జిల్లాలకు ఎల్లో అలర్ట్‌ జారీ చేశారు. ఆదిలాబాద్‌, మంచిర్యాల, ఆసిఫాబాద్‌, జగిత్యాల జిల్లాల్లో రాత్రి అతిభారీ వర్షం కురిసే అవకాశం ఉందని.. వాతావరణశాఖ రెడ్‌ అలర్ట్‌ జారీ చేసింది. ఈ నేపథ్యంలో అధికార యంత్రాంగం అప్రమత్తంగా ఉండాలని సూచించింది. భద్రాచలం వద్ద గోదావరి నీటిమట్టం పెరుగుతుండగా.. తాలిపేరు రిజర్వాయర్ గేట్లు ఎత్తేశారు. ఇక జయశంకర్ భూపాలపల్లి జిల్లా వ్యాప్తంగా కురుస్తున్న వర్షానికి భూపాలపల్లి సింగరేణి ఉపరితల గని-2, 3ల్లో బొగ్గు ఉత్పత్తి నిలిచిపోయింది. బొగ్గు తీసేందుకు వాహనాలకు అంతరాయం ఏర్పడింది.